Yevroosiyo iqtisodiy ittifoqi rivojlanish muammolarini o'rganish instituti bosh direktori Vladimir Lepyoxin "Dunyo" uchun intervyusida Rossiya Prezidenti Vladimir Putinning O'zbekistonga buyurgan davlat tashrifi yakunlari haqidagi fikrlarini bildirdi:

— Rossiyaning O'zbekiston uchun ulkan investitsiyaviy dasturi bor. Bu fonda biz moliyalashtirish sohalarining kengayishini kutishimiz mumkin.

O'zbekiston aholisi soni jihatidan ham Markaziy Osiyoda muhim rol o'ynaydi, albatta. Shuningdek, O'zbekiston Rossiya uchun MDHdagi eng ishonchli va foydali hamkorlardan biridir. Bu yerda madaniy-gumanitar hamkorlikni ham alohida ta'kidlash lozim. Respublikada barqarorlik ta'minlanib, totuvlik va bag'rikenglik hukm surmoqda.

O'zbekiston madaniyat sohasidagi o'zaro hamkorlikka nisbatan pragmatik yondashmoqda. Xususan, kinematografiya sohasidagi aloqalarimiz rivojlanyapti. Sharqona qadriyat, odob-axloq va tarbiyaviy masalalar asosiy mavzuga olib chiqilgan filmlar bo'lsa, ularga talab ham oshadi.