Bugun Namangan shahrida 63-Xalqaro gullar festivali boshlandi, deb xabar bermoqda voqea joyidan "Dunyo" AA.

Joriy yil 23-iyunga qadar davom etadigan festivalga 6 milliondan ortiq mehmonlar, jumladan, 200 mingdan ortiq xorijiy sayyohlar buyurishi kutilmoqda.

O'tgan yili Namanganga bir oyda dunyoning 50 dan ortiq davlatidan 4 millionga yaqin sayyoh tashrif buyurdi, qayd etdi festivalning rasmiy ochilish marosimida Namangan viloyati hokimi Shavkatjon Abdurazzoqov. Uning so'zlariga ko'ra, bayramga uzoq va yaqindan 100 mingta sayyoh tashrif buyurgan.

Festivalning birinchi kuni an'anaviy avtomobillar paradi bilan boshlandi. Namangan xalqaro aeroportidan to Zahiriddin Muhammad Bobur nomidagi madaniyat va istirohat bog'igacha bo'lgan 10 kilometrdan ortiq masofani gullar bilan bezatilgan turli rusumdagi 200 dan ortiq avtomobillar bosib o'tdi.

Go'zallik va nafosat bayramida Ozarbayjon, Hindiston, Niderlandiya, Xitoy, Janubiy Koreya, Turkiya va Yaponiya vakillari ishtirok etmoqda.

Festival mamlakatimizning gulchilik san'ati markazi mavqeini yana bir karra tasdiqlaydi. Butun dunyodan yuzlab ishtirokchilar o'zlarining noyob kompozitsiyalarini namoyish etish, O'zbekiston tabiatining go'zalligi va rang-barangligidan bahramand bo'lish uchun kelishdi.