Ushbu bayram BMT Bosh Assambleyasi tomonidan 1993-yil 20-sentyabrdagi Xalqaro oila yili toʻgʻrisidagi rezolyutsiyaga muvofiq 1994-yilning 15-mayidan buyon muntazam ravishda nishonlab kelinadi.

Oʻzbekiston Respublikasi Prezidentining 2018-yil 27-iyundagi “Oʻzbekiston Respublikasida oila institutini mustahkamlash konsepsiyasini tasdiqlash toʻgʻrisida”gi PQ-3808-son qaroriga muvofiq, 15-may har yili Xalqaro oila kuni sifatida respublika boʻylab keng nishonlanishi belgilab qoʻyilgan.

Konimex tumani “Zafarobod” mahallasida bugungi kunda turli millat vakillari o‘zaro hurmat, ahillik va hamjihatlikda istiqomat qilib kelmoqda. Mahalladagi ana shunday namunali oilalardan biri — "Konchilar" ko'chasida istiqomat qilib kelayotgan Kamolovlar oilasi bo‘lib, ushbu xonadonda oilaviy qadriyatlar va mehr-oqibat muhitini yaqqol ko‘rish mumkin.