"Teplo" brendi asoschisi hamyurtimiz, London moda kolleji talabasi Charos Kamolovadir. Uning loyihasi O'zbekistondagi kreativ industriya vakillari va mahalliy brendlarni birlashtiradi.

"Teplo Store"da O'zbekistonning turli viloyatlaridan 100 dan ortiq dizayner va hunarmandlarning mahsulotlari namoyish etilmoqda. To'plam keng turdagi mahsulotlarni, xususan zamonaviy kiyim-kechak va aksessuarlardan tortib, an'anaviy texnikalar (so'zana, ikat, kulolchilik va boshqalar) yordamida qo'lda yasalgan buyumlarni o'z ichiga oladi.

Savdo do'konining rasmiy ochilish marosimi Britaniyaning nufuzli nashrlari e'tiborini tortgan "Teplo Store London - From the Silk Road to Soho" keng ko'lamli reklama kampaniyasi doirasida o'tkazildi va u ijtimoiy tarmoqlarda katta auditoriyani qamrab oldi.

"Teplo Store" ish boshlagan dastlabki soatlardanoq London shahri aholisi va mehmonlarida katta qiziqish uyg'otdi.