O'zbekiston elchixonasi xodimlari Moskva shahrida tashkil etilgan "Ramazon chodiri" xayriya tadbirida ishtirok etdilar, deb xabar qilmoqda "Dunyo" AA muxbiri.

"Ramazon chodiri" tadbiri doirasida Rossiya musulmon jamoatchiligi, muftiy va siyosiy arboblari, shuningdek, Moskvada yashayotgan, ishlayotgan va tahsil olayotgan vatandoshlar birgalikda "O'zbekiston kecha" tashkil etildi.

Ikkinchi jahon urushidagi G'alabaning 80 yilligiga mazkur loyiha "Xotira vaqtdan kuchli" shiori ostida bo'lib o'tdi. Tadbir Moskva musulmonlari boshqarmasi tomonidan Rossiya musulmonlari boshqarmasi va Moskva shahar hokimiyati ko'magida tashkil etildi. O'rnatilgan an'anaga ko'ra, muqaddas oy davomida har oqshom bu yerda tematik tadbirlar, interaktiv muloqotlar va faxriy mehmonlar bilan uchrashuvlar o'tkaziladi.

"O'zbekiston kecha"da elchixona vakillarining chiqishlari, konsertlar va respublikamizning Ikkinchi jahon urushidagi hissasi haqidagi hujjatli filmlar namoyish etildi. Shuningdek, tadbir davomida Yangi O'zbekistonning zamonaviy taraqqiyoti, mamlakatimizning madaniy va sayyohlik salohiyati haqidagi taqdimotlar o'tkazildi.

Tadbir mehmonlariga O'zbekistonning boy tarixi, o'zbek xalqining buyuk ajdodlari, jumladan, Imom al-Buxoriy, Imom at-Termiziy, Abu Ali ibn Sino va boshqalarning jahon ilm-fani va madaniyatiga qo'shgan ulkan hissasi haqida so'zlab berildi.

Rossiya tomoni O'zbekistonda konfessiyalararo muloqot va diniy bag'rikenglikni mustahkamlashga qaratilgan siyosat mintaqada barqarorlik va xavfsizlikning muhim omili bo'layotganini alohida ta'kidladilar.

Bundan tashqari, tadbirda o'zbek madaniyati va mamlakatimizning sayyohlik salohiyatiga bag'ishlangan ko'rgazma tashkil etildi.

Eslatib o'tamiz, "Ramazon chodiri" loyihasi butun Ramazon oyi davom etadi va u xayriya iftorliklarini o'z ichiga oldi.

 Xayriya tadbiri davomida Qatar, Saudiya Arabistoni, Afg'oniston, MDH davlatlari, shuningdek, Rossiya hududlariga bag'ishlangan kechalar tashkil etiladi.

Ruslan Qurbonov, siyosatshunos va jurnalist:

– Bugun biz ajoyib iftorlik, O'zbekiston va ushbu go'zal mamlakat xalqlarining islom merosiga bag'ishlangan kechasida qatnashdik.

Kecha juda go'zal tashkil etildi. Go'yo barchamiz o'zimizni O'zbekistonda bo'lgandek his qildik. O'zbekiston aslida nafaqat Markaziy Osiyo yoki islom olamining, balki butun dunyo merosidir. Bu yerda Al-Xorazmiy kabi buyuk matematiklar, Mirzo Ulug'bek kabi buyuk astronomlar, Buxoriy, Termiziy kabi yetuk muhaddislar yetib chiqqan. O'zbekistonda hali bo'lmagan barchani islom tafakkuri markazlari bo'lgan Samarqand, Buxoro, Xiva va boshqa shaharlarga borishga chaqiraman.