#Qoraqalpogʻiston_Respublikasi

30-iyul - Xalqlar do‘stligi kuni munosabati bilan Qoraqalpog'iston Respublikasida "Do‘stlik" festivalining ochilishi hamda “O‘zbekiston – yagona Vatan!” shiori ostida tantanali marosim bo'lib o'tdi.

Tadbirda O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi raisi Q. Sariyev ham ishtirok etdi. 

Qo‘mita raisi Q. Sariyev o‘z tabrigida tadbir ishtirokchilarini 30-iyul – Xalqlar do‘stligi kuni bilan qutlab, festival O‘zbekiston Respublikasi Prezidentining tashabbusi bilan tashkil etilganini va uning asosiy maqsadi millatlararo totuvlikni mustahkamlash, o‘zaro ishonch muhitini rivojlantirish, shuningdek, xorijdagi vatandoshlar bilan hamkorlikni mustahkamlash ekanini ta’kidlab o‘tdi.